BRWYDRAU AC ARFAU: I’R GAD

Fan hyn, ar y clogwyni uwch ceg afon Nyfer, gyrrodd Pwyll Pendefig Dyfed ei gŵn hela i loddesta ar garw a laddwyd gan Arawn, Brenin Annwn. Ar ôl marwolaeth Pwyll, dyma weld y frenhines Rhiannon ar farch gwyn ysblennydd. Yn gwmni iddi mae adar hud, adar y dywedir bod eu cân "yn dihuno'r marw ac yn huno'r byw". Mae gan Fleetwod Mac gân amdani, ac mae’n gymeriad chwedlonol poblogaidd o hyd yn y rhan hon o Sir Benfro. Yn y Ganolfan Ymwelwyr yn Nhrefdraeth, sydd yng ngofal Parc Cenedlaethol Arfordir Penfro, mae arddangosfeydd am y diwylliant a’r dreftadaeth leol, ynghyd â gwybodaeth am deithiau cerdded ac atyniadau.