I’r rheini sy’n chwilio am ysbrydoliaeth i ymweld â llefydd llenyddol a diwylliannol yng Nghymru, bydd y map stori newydd hwn yn fodd o ddod o hyd i ambell lecyn cudd yn ogystal â mannau mwy cyfarwydd. Maent i gyd yn llefydd sydd wedi’u hysbrydoli gan ein hanesion, a’r rheini’n amrywio o straeon arswyd mewn hen gestyll i straeon caru trist; o chwedlau am angenfilod rhyfedd i hynt a helynt herwyr arwrol.
Map yw hwn sydd wedi’i seilio ar ddeg thema: dŵr, brwydrau, yr iaith, llên gwerin, llefydd cysegredig, y Brenin Arthur, plentyndod, ysbrydion, diwydiant a rebeliaid. Ceir ym mhob categori ddwsinau o lefydd sy’n gysylltiedig â straeon rhyfeddol a chymeriadau hynod, barddoniaeth, llên gwerin a mythau. Ceir syniadau hefyd am lefydd i fwyta ac yfed, am lwybrau i’w crwydro ac am fannau i aros ynddynt dros nos.
Gall ymwelwyr ddewis y llefydd sy’n eu diddori fwyaf ar y map neu o blith y themâu, a byddant wedyn yn cael cynllun taith drwy e-bost – gan allu trefnu eu hantur lenyddol eu hunain.
Llenyddiaeth Cymru sydd wedi datblygu Gwlad y Chwedlau, gyda chyllid gan Croeso Cymru. Y nod yw dangos y gorau o lenyddiaeth, diwylliant a mythau Cymru, a hynny yn yr union fannau a ysgogodd ac a ysbrydolodd y rheini. Bydd Gwlad y Chwedlau yn eich tywys ar daith i’n calon fel pobl, gan eich cyflwyno i’r straeon a’r cymeriadau sydd wedi ein creu.
Mae’r cynllun hwn yn rhan o waith Llenyddiaeth Cymru ym maes twristiaeth llenyddol. I gael rhagor o wybodaeth, cysylltwch â 029 2047 2266 / post@llenyddiaethcymru.org
Roedd Gwlad y Chwedlau yn bosibl drwy ymgynghori â’r sectorau diwylliannol, amgylcheddol a thwristiaeth ehangach yng Nghymru. Hoffem ddiolch yn benodol i’r canlynol am eu cyfraniadau a’u cymorth:
Gyda chydnabyddiaeth arbennig i:
Darllen pellach am y cynnwys a geir yn Gwlad y Chwedlau
- Gwyddoniadur Cymru yr Academi Gymreig gan John Davies, Nigel Jenkins, Menna Baines a Peredur I. Lynch (goln.) (Gwasg Prifysgol Cymru, 2008)
- The Literary Pilgrim in Wales: A Guide to Places Associated with Writers in Wales gan Meic Stephens (Gwasg Carreg Gwalch, 2000)
- The Welsh Fairy Book gan W. Jenkyn Thomas (Abela Publishing, 2010)
- South Wales Ghost Stories: Shiver Your Way from Newport to Pembrokeshire gan Richard Holland (Bradwell Books, 2013)
- North Wales Ghost Stories: Shiver Your Way from Wrexham to the Llyn Peninsular gan Richard Holland (Bradwell Books, 2013)
- Welsh Folk Tales gan Peter Stevenson (The History Press, 2017)
- A Dylan Odyssey gan awduron amrywiol (Graffeg, 2015)
- Holy Places of Celtic Britain gan Mick Sharp (Cassell Illustrated, 1997)
- Cymru 100 o Lefydd i’w Gweld Cyn Marw gan John Davies a Marian Delyth (Y Lolfa, 2010)
- Cydymaith i Lenyddiaeth Cymru gan Meic Stephens (gol.) (Gwasg Prifysgol Cymru, 1997)
- Wales at Water’s Edge Jon Gower a Jeremy Moore (Gomer, 2012)
- Cyfres The Library of Wales (Parthian)
- Hanes Cymru gan John Davies (Penguin, 1990)
Ceir rhagor o gynnwys ar gael fan hyn:
© Hawlfraint y cynnwys, Llenyddiaeth Cymru
© Hawlfraint y dylunio, Kutchibok
© Hawlfraint y graffeg, Pete Fowler
© Hawlfraint y ffotograffau, Hawlfraint y Goron (Croeso Cymru) oni nodir fel arall
© Hawlfraint ffotograff y brand, Sarah Vining
Llenyddiaeth Cymru sy’n berchen ar hawlfraint holl gynnwys Gwlad y Chwedlau, oni bai y nodir hynny fel arall. Canllaw yw’r wefan hon yn unig. Nid yw Llenyddiaeth Cymru yn ysgwyddo unrhyw gyfrifoldeb am unrhyw golled, niwed neu anaf a all ddigwydd wrth ymweld â’r llefydd y cyfeirir atynt ar y wefan hon. Cyfrifoldeb yr ymwelydd yw sicrhau bod hawl ganddynt i fynd i’r llefydd a restrir yma ac i gydymffurfio ag unrhyw godau ymddygiad a chyfreithiau. Mae Llenyddiaeth Cymru yn cynghori pob ymwelydd sy’n mynd i’r safleoedd dan sylw i wisgo dillad ac esgidiau addas ac i fwrw golwg ar ragolygon y tywydd cyn mynd.